Taylor Swift今日公布好消息，表示已經買返所有舊唱片嘅母帶版權，更開心到喊：「終於夢想成真！」佢透露已經完成第5張重錄唱片（2006年處女大碟《Taylor Swift》），不過《reputation》（2017年大碟）重錄版目前連四分之一都未完成，重錄時亦遇到阻滯。摘要：Taylor Swift今日公布好消息，表示已經買返所有舊唱片嘅母帶版權，更開心到喊：「終於夢想成真！」佢透露已經完成第5張重錄唱片（2006年處女大碟《Taylor Swift》），不過《reputation》（2017年大碟）重錄版目前連四分之一都未完成，
Taylor Swift於2005年同唱片公司Big Machine Records簽約，合共推出6張唱片，所有唱片嘅「母帶版權」由舊東家擁有。不過舊東家一直拒絕Taylor Swift買回母帶版權嘅要求，又提出不公平建議，要對方續約並出多6張新唱片，先可以買返舊唱片版權，Taylor其後拒絕與對方續約，2019年轉同環球旗下嘅公司簽約。舊東家其後未經Taylor同意，將唱片版權以3億美元賣俾Taylor死對頭兼舊經理人Scooter Barun，之後Scooter Barun又再二次轉售，以4億美元賣俾一間私募基金公司。而今次Taylor就係向呢間私募基金買返版權 ，金額據報為3.6億美元 。
根據美國版權法，音樂分為「母帶版權」及「作品版權」。「母帶版權」係指音樂第一版本嘅錄音，版權擁有者可以用嚟製作副本及發行唔同版本，例如CD、黑膠、串流版本等，唱片公司同歌手簽約合約時，一般會要求將母帶版權永久交俾唱片公司；而「作品版權」就指音樂作品嘅歌詞、旋律、樂譜、曲調及樂器編排等原創內容，有份創作呢啲內容嘅人擁有「作品版權」，可以重錄或者於公開場合演出。
由於Taylor Swift所有歌曲都係自己有份創作，所以佢擁有「作品版權」，可以重新錄製作品，並由2021年開始重錄呢6張舊唱片。所有重錄版本以「Taylor’s Version」作為標示，目前已經推出4張重錄唱片，加上2023年Taylor舉行巡迴演唱會，推出重錄唱片將其人氣進一步推高，令新樂迷認識其舊作品。
以上信息来自iamkingjer
来源：爱吃糖的猫cat
免责声明：本站系转载，并不代表本网赞同其观点和对其真实性负责。如涉及作品内容、版权和其它问题，请在30日内与本站联系，我们将在第一时间删除内容!